Почитувани !

Во име на општина Неготино и во свое лично име Ви упатувам искрени честитки по повод овој голем ден со желби за понатамошен успех во промоцијата на посебноста на нашиот народ и неговата традиција и култура. На сите просветни работници, ученици и граѓани на неготинска општина Ви го честитам 24-ти мај-Денот на сесловенските просветители Кирил и Методиј. Темелите на писменоста на словенските народи се поставени од страна на учителите, браќата Кирил и Методиј, кои со нивното дело дадоа огромен цивилизациски придонес за сите народи кои ги негуваат словенските културни и традиционални посебности.

Нека ни е честит Денот на сесловенските просветители и нека е вечно нивното име !