Неверојатно голем интерес и масовно присуство на заинтересирани граѓани од повеќе генерации, како и гости од земјава и странство, предизвика настанот,, Вранецот" со нашето традиционално кој се одржа во Музејот на град Неготино. Истиот за отворен го прогласија градоначалникот Тони Делков и заменик-министерот за локална самоуправа Дејан Павлевски кои на присутните им го честитаа празникот Св. Трифун посакувајќи зачувување на традицијата и збогатување на манифестацијата со нови содржини. Делков и Павлевски доделија благодарници на производителите на вина кои се претставија на штандовите, на локалните уметници кои твореа на тема Св. Трифун, на членовите на Здружението на пензионери хуманист ,, Анри Динан" и на пензионерите од Здружението,, Неготинијана", како и на други учесници кои дадоа придонес во организацијата на настанот. Присутните имаа можност да дегустираат црвени вина, зелник на баба, раванија, сето пропратено со убава македонска народна песна. Претседателот на Советот на општина Неготино Диме Витанов за отворена ја прогласи 16-тата традиционална изложба на резба на членовите на Здружението,, Стари занаети" со учество на 11 копаничари кои се претпоставија со над 30 дела