Во манастирот „ Свети Ѓорѓи “ во Неготино денес во рамки на манифестацијата „ Недела на виното 2020 “ се одржа Мастер клас за виното „ Вранец “ ( барикиран и обичен ) на кој присутните имаа можност да го дегустираат едно од најквалитетните вина во општина Неготино.
На почетокот пред присутните гости се обрати градоначалникот Тони Делков кој воедно ги поздрави, а свое стручно излагање за виното „ Вранец “ имаше претставник од Здружението на винари на Република Северна Македонија м-р Игне Тасев.
Присутните гости од Франција, Владичин Хан Србија, претставници од Амбасадата на Бугарија, ВПР, градоначалници, претставници од ПЕ на АПРЗ Неготино и други гости имаа можност да го дегустираат виното „ Вранец “ произведено во винариите Пивка и Венец Долни Дисан.