Деновиве во изложбениот салон во Музеј на град Неготино се одржа Концерт по пијано од класата на проф.д-р Марија Ѓошевска - професор на Факултетот за музичка уметнот при Универзитетот „Св.Кирил и Методиј“ од Скопје која по потекло е од Неготино. На концертот свое претставување имаа десет студенти од факултетот кои уживаа во изведувањето на делата на полуконцертниот клавир FEURICH 179 Dynamic!
-„Културата е образот на една општина, држава. Многу е важно да ја развиваме и да ја негуваме, а тоа значи дека прекрасните таленти од помладите генерации мора да го добијат соодветното внимание за да можат да го развиваат својот полн потенцијал како уметници и идни претставници на културата...Воедно овој концерт го посветувам на мојот татко, на кој што премногу му значеше Неготино",- рече многу емотивно проф.д-р Марија Ѓошевска на концертот одржан во Музеј На Град Неготино со претставување на пијанисти од нејзината класа и други, од Неготино-Дарко Волчев и Ивона Стојанова, Кавадарци,,како и пијанисти од Св.Николе и Скопје. Енергични, возбудливи изведби на Хајдн, Шопен, Рахмањинов, Стравински, Прокофјев и Албениз пред прекрасната и примерна публика од општина Неготино. Огромна заслуга за организација на овој прекрасен настан има директорот на ООМУ "Владимир Арсовски" од Неготино, Драги Станков!!!