Како дел од богатата програма која што општина Неготино ја организира по повод празнувањето на Денот на ослободувањето на Неготино – 8ми Ноември, во Средното општинско училиште „Св.Кирил и Методиј“ беше организиран одбојкарски турнир (женска конкуренција) помеѓу спортските училишни клубови на средни училишта од Неготино, Кавадарци, Валандово и Прилеп. Полуфиналните и финалниот натпревара беа одиграни денес во спортската сала на  СОУ “Св.Кирил и Методиј”, а благодарниците за учество на екипите им ги додели секретарот на општина Неготино Ивица Златковиќ.