Почитувани граѓани !

Од мое лично име и како градоначалник на општина Неготино по повод одбележувањето на празникот 11 Октомври-Ден на народното востание на македонскиот народ до сите вас упатувам најискрени честитки со желби за нови победи и за развој на нашата држава. Оруженото востание започнато на денешен ден 1941 година претставува исклучително значаен историски чин во долготрајната народно-ослободителна борба на македонскиот народ. Овој ден го означува почетокот на конечната борба за слобода на Македонија и македонскиот народ. Нека ни е честит и за многу години 11 Октомври-Денот на народното востание на македонскиот народ!