Денешниот ден 5 Октомври се одбележува како Светски ден на учителите кој од 1966 година го чествуват просветните работници во целиот свет, а во Република Македонија се одбележува од 1995 г. Целта на овој ден е да се мобилизира поддршката за учителите како еден вид на признание и вреднување на нивниот придонес во едукацијата и развојот на учениците. По тој повод, градоначалникот на општина Неготино Тони Делков прими делегација составена од просветни работници од средното и двете основни училишта од нашиот град искористувајќи ја можноста на сите учители да им го честита празникот со желби за успешна и плодна работа, а наедно апелираше раководните лица и просветните работници да дадат сопствен придонес при изработката на годишните програми за работа на општина Неготино во делот на образованието за следната 2019 година.