Во рамките на проектот “Оворена забавна школа за фудбал 2018” во нашата општина досега беа организирани три работилници, од кои две се одржаа на градскиот стадион во Неготино (1 и 2 септември), а една беше организирана на 8 септември, а во истата беа вклучени и деца од Општина Демир Капија. Последната, четврта работилница ќе биде одржана на 15 септември (сабота) на градскиот полштад во Неготино со почеток од 18.00 часот. Со неа ќе биде заокружен циклусот од четири работилници на овогодинешната отворена фудбалска школа, во која учество земаа 90 деца од Неготино и 40-тина од Демир Капија.  Општина Неготино како субјект кој даде целосна финансиска поддршка на овој настан, со реализацијата на истиот даде импулс за афирмација на интересот кај најмладите за спортот и спортските активности.  Комплетната опрема која со проектот општина Неготино ја доби од Канцеларијата на ОФФС Македонија, ќе биде рамномерно распределена на основните училишта и фудбалските школи од општината кои ја поддржаа реализацијата на истата.