 Во организација на Здружението ,, Стари занаети ,, со финансиска поддршка од УСАИД, Американскиот мировен корпус, општина Неготино и самото Здружение, започна реализацијата на нов проект кој има за цел преку изработка на дела да се презентираат сопствениот талент и способности, а паралелно да се пребаруваат ментори, инструктори и вајари од ликовната уметност за креирање нови врски за остварување на идна соработка. Во спроведувањето на проектот се вклучени 8 претставници на Здружението заедно со доброволката на Американскиот мировен корпус Трејси Спаркс кои ќе се обидат да изградат меѓусебна доверба да експериментираат со нови композиции, да истражуваат 3Д функционални и стилски скулптури и истите да ги издлабат на различни видови дрво.
Инаку, Здружението на граѓани ,, Стари занаети ,, е непрофитна организација основана во 2004 година од група ентузијасти со мисија да предизвика традиционални македонски вештини, креирање уметнички скулптури, созадавање јавна уметност и заживување на наследството во форма на дрвени скулптури. По завршувањето на проектот, се планира отворање на студиото за јавноста и изложување на изработените предмети.
|
