Во организација на општина Неготино и Градскиот шаховски клуб “Неготино”, оваа година по седми пат ќе се одржи Отвореното градско првенство во шах “Неготино Опен 2018”. Првенството ќе започне на 4 мај (петок) во 17.00 часот и ќе се одржува во просториите на старата зграда на Фондот за здравство. Првенството кое ќе трае до 6 мај (недела) ќе го отвори покровителот на овој настан – Градоначалникот на општина Неготино г-нот Тони Делков. Право на учество на првенството имаат сите заинтересирани граѓани на општина Неготино. Наградниот фонд за најдобрите учесници на турнирот изнесува 17.000 денари. Пријавувањето за учество се врши кај претседателот на Градскиот шаховски клуб “Неготино” ВМ Трајче Недев, на тел. број 075/416-496, надоцна до 4 мај (петок) до 13.00 часот.