Во духот на транспарентното работење, на одржаната прес-конференција градоначалникот на општина Неготино Тони Делков  информираше за неговото работење во првите 100 дена и потоа од неговиот мандат, за постигнувањата на општина Неготино, Советот на општината и општинската администрација. Во продолжение го пренесуваме интегралниот текст од одржаната прес-конференција.

ПОЧИТУВАНИ СОГРАЃАНИ!

ВО ОВА МОЕ ЈАВНО ОБРАЌАЊЕ САКАМ ДА ДАДАМ ЕДНА СЛИКА НА МОЕТО РАБОТЕЊЕ ВО ИЗМИНАТИОТ ПЕРИОД ОД СТАПУВАЊЕТО НА ФУНКЦИЈАТА ГРАДОНАЧАЛНИК, КАКО И ДА ДАДАМ ОДГОВОР НА НЕКОИ ПРАШАЊА КОИ СЕ ПРИСУТНИ ВО ЈАВНОСТА.

КАКО ПРВО, ЕДНАШ РЕКОВ ДЕКА НЕМА ДА ЗБОРУВАМ ЗА ЗАТЕКНАТИТЕ СОСТОЈБИ ВО ОПШТИНАТА ПО МОЕТО ДОАЃАЊЕ, ТОА ВЕРУВАМ ГРАЃАНИТЕ ДОБРО ГО ЗНААТ, А ЈАС ПАК УШТЕ ПОДОБРО БИДЕЈЌИ ЈА ВРШАМ ОВАА ОДГОВОРНА ФУНКЦИЈА.

НА ПОЧЕТОКОТ, ДРАГИ СОГРАЃАНИ, САКАМ ДА ИСКАЖАМ ЈАВНА БЛАГОДАРНОСТ ЗА БУДНОСТА СО КОЈА ГО СЛЕДИТЕ МОЕТО И РАБОТЕЊЕТО НА ОПШТИНА НЕГОТИНО, НЕКОГАШ СО ПОФАЛБИ, НЕКОГАШ СО КРИТИКИ, НО ЈАС БЕВ И СУМ ПОДГОТВЕН НА ТОА ИМАЈЌИ ПРЕДВИД ДЕКА ИЗВРШУВАМ ЈАВНА ФУНКЦИЈА. НЕКОИ КРИТИКУВААТ ОД ЛИЧНИ ПРИЧИНИ, НЕКОИ ОД ПОЛИТИЧКИ ПОБУДИ, НО ЈАС СУМ СЕКОГАШ ТУКА ЗА ГРАЃАНИТЕ КОИ СЕКОГАШ И ВО СЕКОЈА ПРИЛИКА ЌЕ НАИДАТ НА МОЕТО РАЗБИРАЊЕ ЗА НИВНИТЕ ПОТРЕБИ.

КАКО ИЛУСТРАЦИЈА НА ПРЕДХОДНО КАЖАНОТО, БИ САКАЛ ДА ИСТАКНАМ ДЕКА ОД СТАПУВАЊЕТО НА ФУНКЦИЈАТА ДО СЕГА НА РАЗГОВОР СУМ ПРИМИЛ НАД 1.000 ГРАЃАНИ КОИ ИЗРАЗИЛЕ ЖЕЛБА И ПОТРЕБА ОД ТОА, А НАЕДНО СЕКОЈДНЕВНО И ВО СЕКОЈА ПРИЛИКА СУМ ДОСТАПЕН ДА ОДВОЈАМ ВРЕМЕ И ДА РАЗГОВАРАМ СО СЕКОЈ ШТО ЌЕ ГО ПОБАРА ТОА ОД МЕНЕ, А ВПРОЧЕМ ГРАЃАНИТЕ ТОА НАЈДОБРО ГО ЗНААТ.

СО НАШИТЕ ЛОЗАРИ ИМА ОСТВАРЕНО НАД 30 СРЕДБИ ВО ПРОСТОРИИТЕ НА ОПШТИНАТА НА КОИ ЗАЕДНИЧКИ СЕ БОРИМЕ ЗА ОСТВАРУВАЊЕ НА НИВНАТА ЦЕЛ-ИСПЛАТА НА ЗАОСТАНАТИТЕ СРЕДСТВА ШТО ВИНАРИЈАТА ПОВАРДАРИЕ ИМ ГИ ДОЛЖИ ПО ОСНОВ НА ПРЕДАДЕНО ГРОЗЈЕ. СРЕДБИ ИМАВ И ВО МИНИСТЕРСТВОТО ЗА ЗЕМЈОДЕЛИЕ ВО СКОПЈЕ ЗАЕДНО СО МИНИСТЕРОТ НИКОЛОВСКИ, ЛОЗАРИТЕ И СОПСТВЕНИЦИТЕ НА ПОВАРДАРИЕ ВО НАСОКА НА РЕШАВАЊЕ НА ОВОЈ ПРОБЛЕМ, КОЈ ЗА ВОЛЈА НА ВИСТИНАТА Е ПРИСУТЕН ОД 2014, 2015 И 2016 ГОДИНА. БЛАГОДАРЕНИЕ НА ТИЕ И ТАКВИТЕ НАПОРИ, ВИНАРИЈАТА ПОВАРДАРИЕ ЗА САМО 3 МЕСЕЦИ НА ЛОЗАРИТЕ ИМ ИСПЛАТИ 1.100.000 ЕВРА, А ВО НАРЕДНИТЕ 2 МЕСЕЦИ ТРЕБА ДА СЕ ИСПЛАТАТ СРЕДСТВАТА ЗА ПРЕОСТАНАТИОТ ДОЛГ. ПА СЕГА НЕКА ЦЕНАТ ГРАЃАНИТЕ ЗА СЕТО ОВА.

ОПШТИНА НЕГОТИНО ЗА ПОТРЕБИТЕ НА ВРАБОТЕНИТЕ ВО ЈАВНОТО ПРЕТПРИЈАТИЕ КОМУНАЛЕЦ ОБЕЗБЕДИ НОВА ОПРЕМА, А НАЕДНО ПОСЛЕ ДОЛГИ ГОДИНИ ЖИВЕЕЊЕ ВО НЕИЗВЕСНОСТ, ГО ПОДМИРИВМЕ ДОЛГОТ НА КОМУНАЛЕЦ СПРЕМА НАДЛЕЖНИТЕ ИНСТОТУЦИИ СО ШТО ВРАБОТЕНИТЕ СЕГА ИМААТ МОЖНОСТ БЛАГОВРЕМЕНО ДА ДОБИВААТ ЗДРАВСТВЕНИ УСЛУГИ, ШТО ПАК КАКО ЧОВЕК, ПРЕД СЕ, ИСКРЕНО НЕ ГО ПОСАКУВАМ.

НА ГРАЃАНИТЕ Е ДА ЦЕНАТ, А ЈАС САКАМ ДА ИМ СЕ ЗАБЛАГОДАРАМ НА ТАМОШНИТЕ ВРАБОТЕНИ КОИ СО СВОЈАТА РАБОТА ПРИДОНЕСУВААТ ЗА ПОДОБРУВАЊЕ НА ХИГИЕНАТА, ПА СЕ ГЛЕДА ДЕКА НЕГОТИНО НИКОГАШ НЕ БИЛО ПОЧИСТ ГРАД.

ПОНАТАМУ, ВРАТИВМЕ СТАРИ ДОЛГОВИ НА ОПШТИНАТА ВО ИЗНОС ОД НАД 27.000.000 ДЕНАРИ И ТЕКОВНО ГИ СЕРВИСИРАМЕ СВОИТЕ ОБВРСКИ. ДА, ВИСТИНА Е, ШТЕДИМЕ ШТО РЕЗУЛТИРА СО ТОА ГРАДОНАЧАЛНИКОТ ДА НЕМА ПОТПИШАНО НИТУ ЕДНА РЕПРЕЗЕНТАЦИЈА НА ОПШТИНСКА СМЕТКА, НЕМА ПОДИГНАТО СРЕДСТВА ЗА НИТУ ЕДНА ПАТНА СМЕТКА И НЕМА ИСПЛАТЕНО ПРЕКУВРЕМЕНА РАБОТА, ИАКО ОСТАНУВАМ ЧЕСТО И ПОСЛЕ РАБОТНОТО ВРЕМЕ ДО ДОЦНИТЕ ВЕЧЕРНИ ЧАСОВИ.

И НЕ САМО ШТО ШТЕДИМЕ И ВРАЌАМЕ СТАРИ ДОЛГОВИ, ТУКУ ПАРАЛЕЛНО СЕ ПОДГОТВУВАМЕ И СМЕ ПОДГОТВЕНИ ОПШТИНА НЕГОТИНО ДА ФУНКЦИОНИРА НОРМАЛНО И СЕТО ТОА ДА Е ВИДЛИВО ЗА ПОШИРОКАТА ЈАВНОСТ.

ПРВИОТ ПРОЕКТ ОД МОЕТО ДОАЃАЊЕ НА ОВАА ФУНКЦИЈА Е АНГАЖМАНОТ И КОНТАКТИТЕ СО РЕСОРНОТО МИНИСТЕРСТВО БЛАГОДАРЕНИЕ НА КОИ НЕГОТИНО ВЛЕЗЕ ВО 18-ТЕ ОПШТИНИ ВО МАКЕДОНИЈА ВО КОИ ЌЕ СЕ ГРАДИ НОВА ДЕТСКА ГРАДИНКА. ОЧЕКУВАМЕ ПО КОМПЛЕТИРАЊЕТО НА ПОТРЕБНАТА ДОКУМЕНТАЦИЈА НОВИОТ ОБЈЕКТ ДА ЗАПОЧНЕ ДА СЕ ГРАДИ СО КАПАЦИТЕТ ЗА СМЕСТУВАЊЕ НА 120 ДЕЧИЊА, СО ШТО ГО ЗАТВОРАМЕ ПРАШАЊЕТО НА ДОЛГИТЕ ЛИСТИ НА ЧЕКАЊЕ ЗА ПРЕСТОЈ ВО ГРАДИНКАТА И СЕ РЕШАВА ПРОБЛЕМОТ НА РОДИТЕЛИТЕ ЗА ПРИФАЌАЊЕ НА НИВНИТЕ ДЕЦА ВО ГРАДИНКАТА.

МОШНЕ СКОРО ЌЕ СТАРТУВА РЕАЛИЗАЦИЈАТА НА ПРОЕКТОТ „МОЈОТ УБАВ ГРАД“ ПРЕКУ ЧИЕ СПРОВЕДУВАЊЕ ЕДЕН ДЕЛ ОД ОПРАВДАНИТЕ КРИТИКИ ЗА СОСТОЈБИ ВО ГРАДОТ ЌЕ БИДАТ НАДМИНАТИ, МЕЃУ КОИ ЗГОЛЕЛЕМЕНА ПРООДНОСТ НА ТРОТОАРИТЕ, НОВИ ГРАДСКИ И ПОСТОЈКИ ВО ДЕЛ ОД НАСЕЛЕНИТЕ МЕСТА, ИЗГРАДБА НА НОВИ ДЕТСКИ ИГРАЛИШТА, ХОРТИКУЛТУРНО УРЕДУВАЊЕ, СРЕДУВАЊЕ НА СОСТОЈБИТЕ СО ГРАДСКИОТ СТАДИОН, САНИРАЊЕ НА ОШТЕТЕНИТЕ КОЛОВОЗИ, ПОСТАВУВАЊЕ ХОРИЗОНТАЛНА И ВЕРТИКАЛНА СИГНАЛИЗАЦИЈА И СОЗДАВАЊЕ УСЛОВИ ЗА ПОБЕЗБЕДЕН ПРИСТАП НА УЧЕНИЦИТЕ ДО УЧИЛИШТАТА.

ИМАЈЌИ ГО ПРЕДВИД КАРАКТЕРОТ НА САМИОТ ПРОЕКТ, ВО НАРЕДНИТЕ МЕСЕЦИ ПО СПРОВЕДЕНАТА ПРОЦЕДУРА, ЗАПОЧНУВАМЕ СО  ПРОМЕНА НА УЛИЧНОТО ОСВТЕЛУВАЊЕ, ПРОМЕНА НА ПРОЗОРЦИТЕ ВО ГИМНАЗИЈАТА, КАКО И НА ОПШТИНСКАТА ЗГРАДА, КАКО ДЕЛ ОД ПРОЕКТОТ ЗА ПОДОБРУВАЊЕ НА ЕНЕРГЕТСКАТА ЕФИКАСНОСТ ВО ОПШТИНА НЕГОТИНО.

ПРЕКУ ИСТАТА ПРОГРАМА, ОБЕЗБЕДЕНИ СЕ СРЕДСТВА ЗА ИЗГРАДБА НА КОЛЕКТОРОТ ОД ТИМЈАНИК ДО НЕГОТИНО ВО ДОЛЖИНА ОД 2 КИЛОМЕТРИ И ДОПОЛНИТЕЛНИ 400 МЕТРИ СО СРЕДСТВА ОД МИНИСТЕРСТВОТО ЗА ЕКОЛОГИЈА.

ЗАПОЧНУВАМЕ И СО ИЗГРАДБА НА УРБАНАТА ЗАЕДНИЦА 8.1 КАДЕ ЌЕ СЕ ГРАДИ БЕТОНСКИ КАНАЛ, АТМОСФЕРСКА И ФЕКАЛНА МРЕЖА И ДРУГИ АКТИВНОСТ ВО ВРЕДНОСТ ОД 12.000.000 ДЕНАРИ.

ПРОЕКТОТ ЗА СПОМЕН-КОСТУРНИЦАТА ДА ДОБИЕ СОСЕМА НОВ ЛИК Е ВО БИРОТО ЗА РАЗВОЈ И ОЧЕКУВАМ ОВОЈ ДЕЛ ОД ГРАДОТ ДА ГО ДОБИЕ ИЗГЛЕДОТ ШТО ГО ЗАСЛУЖУВА.

ГОТОВ Е И ПРОЕКТОТ ЗА АСВАЛТИРАЊЕ НА ВЛЕЗОВИТЕ ВО СЕЛАТА ВОЈШАНЦИ И ТРЕМНИК И ИСТИОТ ЌЕ БИДЕ АПЛИЦИРАН МОШНЕ СКОРО ПРЕКУ ИПАРД ПРОГРАМАТА НА МИНИСТЕРСТВОТО ЗА ЗЕМЈОДЕЛИЕ.

РАБОТИМЕ И НА СЛЕДНИТЕ ПРОЕКТИ:

-УРЕДУВАЊЕ НА УЛИЦИ ВО ГРАДОТ И НАСЕЛЕНИТЕ МЕСТА И ПОСТАВУВАЊЕ ВОДОВОДНА И КАНАЛИЗАЦИОНА МРЕЖА

-ПОПЛОЧУВАЊЕ НА ПОМАЛИ УЛИЧКИ СО БЕКАТОН ПЛОЧКИ

-РЕКОНСТРУКЦИЈА НА ОШТЕТЕНИТЕ ДЕЛОВИ НА ГРАДСКИОТ ПЛОШТАД И СТАРАТА ЧАРШИЈА

-РЕКОНСТРУКЦИЈА НА СПОРТСКАТА САЛА МЛАДОСТ НА КРОВНИОТ ДЕЛ, НА ПОДОТ И НА СОБЛЕКУВАЛНИТЕ И ПОМОШНИТЕ ПРОСТОРИИ

-ПРОЕКТОТ „ЗЕЛЕН ТУРИЗАМ“ КОЈ СЕ ОДНЕСУВА НА УРЕДУВАЊЕ НА ВЛЕЗОТ И ИЗЛЕЗОТ ОД ГРАДОТ И ХОРТИКУЛТУРНО УРЕДУВАЊЕ

-СЕ РАБОТИ И НА НАДМИНУВАЊЕ НА КЛУЧНИОТ ПРОБЛЕМ ОКОЛИ СРЕДУВАЊЕТО НА ПАРКИНГ-ПРОСТОРОТ ВО ГРАДОТ

БИ САКАЛ ДА ВЕ ИНФОРМИРАМ ДЕКА НА СЕДНИЦА НА СОВЕТ ПОМИНА И СЕ ДАДЕ СОГЛАСНОСТ ДА СЕ ИЗРАБОТИ ФИЗИБИЛИТИ СТУДИЈА ЗА НАЧИНОТ НА КОЈ ЌЕ УПРАВУВАМЕ СО ПАРКИНГ-ПРОСТОРОТ И НОРМАЛНО КОЈ КОНЦЕПТ Е НАЈИСПЛАТЛИВ И ОДДРЖЛИВ ЗА ПРИМЕНУВАЊЕ. ДАЛИ ВО СОРАБОТКА СО ЈП КОМУНАЛЕЦ, ФОРМИРАЊЕ НОВО ЈАВНО ПРЕТПРИЈАТИЕ ИЛИ ПО ПАТ НА ПРИВАТНО ЈАВНО ПАРТНЕРСТВО. ИНАКУ, СОГЛАСНО СООБРАЌАЈНИОТ ПРОЕКТ, НА РАСПОЛАГАЊЕ ИМАМЕ ОКОЛУ 220 ПАРКИНГ МЕСТА.

ПАРАЛЕЛНО, РАБОТИМЕ И НА ИЗМЕНИТЕ НА ГЕНЕРАЛНИОТ УРБАНИСТИЧКИ ПЛАН И ВО НЕГО ЌЕ СЕ НАЈДАТ НОВ ПАРКИНГ ПРОСТОР, КАКО И ИЗГРАДБА НА КРУЖНИ ТЕКОВИ КОИ СЕ И ТОА КАКО ПОТРЕБНИ ВО НАШИОТ ГРАД

ГИ ПОДГОТВИВМЕ ЗА ПРОДАЖБА ДВЕТЕ ИНДУСТРИСКИ ЗОНИ КРИВОЛАК И ДУРБОВО КАДЕ ШТО ЛИЧНО ОЧЕКУВАМ ГОЛЕМ ИНТЕРЕС ЗА ОВИЕ ЛОКАЦИИ ПОРАДИ НИВНАТА МЕСТОПОЛОЖБА, КАКО И ИНФРАСТРУКТУРАТА КОЈА ЈА ИМА ОКОЛУ НИВ

ТОА ПАК БИ ЗНАЧЕЛО НОВИ ИНВЕСТИЦИИ, НО БИ ПРЕТСТАВУВАЛО И ОГРОМНА ПОДДРШКА ВО ФИНАНСИСКИОТ ДЕЛ ЗА ОПШТИНА НЕГОТИНО, ОТВОРАЊЕ НОВИ РАБОТНИ МЕСТА И СОЗДАВАЊЕ НОВА СЛИКА ЗА НЕГОТИНО.

РАБОТИМЕ, ПОЧИТУВАНИ СОГРАЃАНИ И ЌЕ ПРОДОЛЖИМЕ ТАКА СО ЦЕЛ ЗА РЕАЛИЗИРАЊЕ КАКО НА СПОМЕНАТИТЕ, ТАКА И НА НОВИ ПРОЕКТИ СО ВЕРБА И ИСТРАЈНОСТ ДЕКА ОД ТОЧКАТА ОД КОЈА ПОЧНАВМЕ ЌЕ УСПЕЕМЕ ДА ИСПЛИВАМЕ И ЌЕ ЈА ВРАТИМЕ ВЕРБАТА КАЈ НАСЕЛЕНИЕТО ДЕКА СО ИСКРЕНА И ЧЕСНА РАБОТА, СЕ ПОБЕДУВААТ ЛУДОСТИТЕ И ГЛУПОСТИТЕ ОД МИНАТОТО

ОВОЈ И ВАКОВ КОНЦЕПТ НА ФУНКЦИОНИРАЊЕ ГО ГРАДЕВМЕ И ПРЕД ИЗБОРИТЕ И НЕМАМЕ НАМЕРА ДА ОТСТАПИМЕ ОД НЕГО. НА КРАЈ САКАМ ДА ПОРАЧАМ ДО СИТЕ ГРАЃАНИ ДЕКА СЕКОЈ ШТО ИМА НАМЕРА  И ПЛАНИРА ДА ГРАДИ ВО НЕГОТИНО, ЈА ИМА И ЌЕ ЈА ИМА НАШАТА МАКСИМАЛНА ПОДДРШКА, НО СЕТО ТОА ВО РАМКИТЕ НА ЗАКОНСКИТЕ ПРОПИСИ И СО ПОТРЕБНИТЕ ДОЗВОЛИ, БИДЕЈЌИ ВО СПРОТИВНО ТОЛЕРАНЦИЈАТА ЌЕ БИДЕ НУЛА.

ВИ БЛАГОДАРАМ ЗА ВНИМАНИЕТО !