Турската делегација од градот Бурса беше предводена од претставникот на општината Суад Топал задолжен за прашања од областа на образованието, директорот на тамошното училиште Ариф Саваш, како и други претставници од градот и училиштето. За време престојот во Неготино тие беа примени од градоначалникот Трајков кој ги запозна со личната карта на градот и потенцијалите на општината, притоа изразувајќи надеж дека соработката покрај во образованието ке се прошири и на други полиња. Гостите од Бурса присуствуваа и на обележувањето на патрониот празник на ООУ ”Страшо Пинџур„ при што дел од нив зедоа активно учество во програмата, а потоа директорите на двете училишта Ариф Саваш и Весна Јованова потпишаа меморандум за меѓусебна соработка.