На последната седница во тековнава година, советниците во Советот на општина Неготино донесоа повеќе одлуки и решенија со кои се овозможува нормално и непречено функционирање на локалната самоуправа во наредната 2022 година. Меѓу другото, беше усвоен Буџетот на општина Неготино за 2022 година поделен на два дела-општиот кој ги содржи вкупните приходи и другите приливи и вкупните расходи и одливи за наредната фискална година, како и глобалните проекции на приходите, приливите, расходите и одливите за наредните 2 години, додека посебниот дел содржи план на потпрограмите на основниот Буџет, одобрените средства на буџетските единки по програми, потпрограми и ставки за фискалната 2022 година. Вкупниот Буџет на општина Неготино за 2022 година изнесува 426.246.964 денари, а во ист износ се проектирани и расходите. На седницата беа усвоени и Програмите за работа на локалната самоуправа за наредната 2022 година. 

   Почитувани граѓани,
Со цел да се овозможи поголема вклученост на граѓаните и граѓанските организации како и поголема транспарентност, Општина Неготино ги објавува Предлог – Програмите за 2022 година.
Затоа јавно Ве повикуваме сите да се вклучите во процесот на донесување на Програмите и Буџетот на општината за 2022 година, давајќи предлози, сугестии, решенија, идеи и препораки во одредени области на локалната самоуправа кои би учествувале во донесувањето на општинскиот Буџет за 2022 година.
Вашите идеи, сугестии, предлози и идејни решенија може да ги доставите на е-маил адресата на општина Неготино Оваа е-пошта е заштитена од spambots, треба да вклучите JavaScript за да ја видите како и телефонскиот број 043 361 045.
Целта на оваа активност е сите Вие да учествуваат во процесот на креирање на Буџетот на општината и да се алоцираат средствата во согласност со вашите потреби.