Општина Неготино во соработка со приватниот сектор обезбеди и стави во функција уред за автоматска дезинфекција на возилата со што се постигнува поголема ефикасност и намалување на потребата од човечки ресурси. Првиот уред кој веќе работи е поставен на влезот од Неготино кај старите погони на ФЕМ и со истиот се дезинфиницираат сите возила кои влегуваат во нашиот град, а во функција ќе се стави и вториот уред на влезот во Неготино од Кавадарци. Локалната самоуправа упатува благодарност до фирмата „Ал-кито“, Марина метал и други фирми кои помогнаа за брза и аефикасна подготовка и ставање во функција на уредите за автоматска дезинфекција на возилата. Општина Неготино и понатаму продолжува со преземање на соодветни мерки за заштита од корона вирусот.

  Во континуитет расте бројот на поединци и фирми донатори од нашата општина кои донираат финансиски средства, прехранбени продукти и заштитна опрема за полесно справување со корона вирусот. Општина Неготино упатува јавна благодарност до фирмата „Полет шпед“ од Тремник и Горан молер Јованов кои донираа заштитни маски кои ќе бидат распределени онаму каде што истите се најпотребни.

   Секојдневно расте бројката на правни и физички лица од општина Неготино кои се одзваа на апелот на локалната самоуправа и преку донација на финансиски средства, заштитна опрема и прехранбени продукти даваат сопствен придонес во битката за справување со корона вирусот. Така, фирмата „Риле декор“ од Пепелиште донираше финансиски средства во висина од 15.000 денари кои општина Неготино ќе ги намени за набавка на хигиенски средства кои ќе им бидат поделени на ранливите групи граѓани.

   Со цел за поефикасно справување со пандемијата од Ковид 19 и превентивна заштита на здравјето на граѓаните, општина Неготино обезбеди и подели заштитни маски за повеќекратна употреба. Така, заштитни маски им беа доделени на вработените во ОВР Неготино, во Матичната служба, за потребите на припадниците на Противпожарната единица од нашиот град и вработените во Шумската полиција. Со цел за заштита на здравјето на населението, заштитни маски се делеа на граѓани на градскиот плоштад во Неготино, на возачите на авто-такси возила и на граѓаните кои пазаруваа од Кам маркетот.