Со одржувањето на првиот информативен состанок, во Неготино започна обуката за 25 млади пчелари која е дел од проект „ Поддршка и развој на економијата на пчелни производи во прекугранична област“ кој преку ИПА програмата заеднички го спроведуваат општините Неготино и Алмопија. Самата програма има за цел да го развие пчеларството и пчелните производи во поширокото локално подрачје во двете општини, бидејќи пчеларството е сектор кој дава бројни можности за бизнис.  На почетокот беше извршена презентација на проектот за присутните, а свое обраќање имаа и стручните лица кои ќе ја реализираат обуката од ОЗ ИНВЕСТ ДООЕЛ Скопје кои на идните пчелари им ги појаснија текот и содржината на обуките, предлог-распоредот за одржување на истите, местото на одржување, а сето тоа содржано во 70 часови обука. Инаку, општина Неготино информира дека рокот за пријавување на 25 напредни пчелари кои веќе се занимаваат со пчелно производство е продолжен до 22-ри овој месец до кога сите заинтересирани ќе можат да се пријават во Одделението за локален економски развој. Градоначалникот на општина Неготино Ванчо Апостолов на сите учесници им посака успешно завршување на обуката и искористување на можноста за започнување на сопствен бизнис преку одгледување на пчели и пчелно производство и обезбедување лична или семејна егзистенција, што впрочем е и основната цел на овој проект.

   Во врска со отворената покана за поднесување на апликации за обуки за пчеларство во општина Неготино , во рамките на проектот,,Поддршка и развој на економијата на пчелните производи во прекуграничната област “Bee-conomy” што е ко-финансиран преку ИПА –ЦБЦ програмата  Грција-Македонија кој што се спроведуваше во периодот  11.07.2016 до 03.08.2016 , Комисијата за  пријавување, оценување,селекција и избор на кандидати  за учество во 2 циклуса на  обуки за постојни и нови пчелари  ЈА ОБЈАВУВА ЛИСТАТА СО 25  ИЗБРАНИ И ОДБИЕНИ КАНДИДАТИ ЗА ЦИКЛУСОТ ОБУКИ ЗА  НОВИ  ПЧЕЛАРИ. Бодовната листа и рангирањето се достапни на веб страната на општина Неготино и на информативните табли во општина Неготино.
Напомена:За лицата кои се одбиени Комисијата за оценување предложи да биде спроведено интервју и да им биде дадена можност на истите доколку имаат базични познавања или пак се занимаваат со пчеларство а не се регистрирани/евидентирани пчелари да се пријават во групата за ОБУКИ ЗА  ПОСТОЈНИ ПЧЕЛАРИ .ОГЛАСОТ ЗА ГРУПАТА НА ПОСТОЈНИ ПЧЕЛАРИ ЌЕ БИДЕ ПОВТОРНО ОБЈАВЕН на 12.08.2016 - 22.08.2016 година
Комисија за оценување на кандидати за ОБУКА ВТОР ЦИКЛУС-НОВИ ПЧЕЛАРИ

1.м-р Лолита Ристова-Претседател на Комисијата и  Проектен менаџер-без право на одлучување
2.Васка Јованова-Секретар на Комисијата и Административно лице за проектот-без право на одлучување
3. Методија Саздов-Консултант О3 ИНВЕСТ ДООЕЛ Скопје-член на Комисијата со право на одлучување
4.Ѓоко Данаилов-ПЕ АПРЗ Неготино-член на Комисијата со право на одлучување
5.Златко Пенков-ПЕ на МЗШВ Неготино-член на Комисијата со право на одлучување

дата  08.08.2016

ЛИСТАТА СО 25  ИЗБРАНИ И ОДБИЕНИ КАНДИДАТИ ЗА ЦИКЛУСОТ ОБУКИ ЗА  НОВИ  ПЧЕЛАРИ

Во врска со ОТВОРЕНИOT ПОВИК ЗА ПОДНЕСУВАЊЕ НА  АПЛИКАЦИИ  за ОБУКИ ЗА ПЧЕЛАРСТВО ВО ОПШТИНА НЕГОТИНО за сите кои се заинтерсирани да учествуваат во обуки за пчелaрство ( училиште за пчелари) што ќе се имплементира во рамките на проектот,,Поддршка и развој на економијата на пчелните производи во прекуграничната област “Bee-conomy” што е ко-финансиран преку ИПА –ЦБЦ програмата  Грција-Македонија  а кој беше објавен на веб страната на општината и на други видни места за периодот 11.07.2016-22.07.2016 ВЕ ИЗВЕСТУВАМЕ   ДЕКА ОПШТИНА НЕГОТИНО ГО ПРОДЛОЖУВА РОКОТ ЗА ПОДНЕСУВАЊЕ НА АПЛИКАЦИИ И ЗА ДВАТА КУРСА  ДО  01.08.2016( ПОНЕДЕЛНИК) до 16.00 часот.
Истовремено Ве информираме  дека останатите елементи на ПОВИКОТ остануваат исти и се дадени во продолжение , освен промените на датумите согласно продолжениот рок за пријавување:

   Во врска со ПОКАНАТА ЗА ПОНУДА објавена на нашата веб страна од 01.07.2016 година во врска со проектот,,Поддршка и развој на економија на пчелни производи во прекуграничнатa област-BEE-CONOMY,, за НАБАВКА на  ,,Мебел и дигитална опрема за тренинг центар-училница за проектот,,BEE CONOMY” со детална спецификација во тендерскaта документација,за која беше утврден рок на достaвување на понуди до 11.07.2016 понеделник  до 12.00 часот,ВЕ ИЗВЕСТУВАМЕ   дека општина Неготино го продолжува рокот за доставување на понуди до 25.07.2016 до 12.00 часот. Отварањето на понудите ќе биде јавно во 14.00 часот истиот ден.

Општина Неготино објавува јавен повик за сите кои се заинтерсирани да учествуваат во обуки за пчелaрство ( училиште за пчелари) што ќе се имплементира во рамките на проектот,,Поддршка и развој на економијата на пчелните производи во прекуграничната област “Bee-conomy” што е ко-финансиран преку ИПА –ЦБЦ програмата  Грција-Македонија

Обуките ќе се спроведуваат во соработка со О3 ИНВЕСТ ДООЕЛ Скопје и ќе опфатат:

1. Првиот циклус на обуки е наменет за 25 учесници од постојните пчелари во општина Неготино .Обуките за постојните пчелари ќе опфатат постапки за максимизирање на  производството на мед, производство на други методи и користење на другите пчелни продукти за зголемување на вредноста на медот.  Обуките ќе се реализираат во времетраење од 70 часови, во месеците јули и август 2016 година и ќе се спроведуваат преку теоретска и практична настава спроведена од проф. д-р. Хрисула Кипријановска.

2. Вториот циклус на обуки е наменет за 25 учесници кои се заинтересирани да започнат со одгледување на пчели и производство на пчелни продукти. Обуките за новите пчелари ќе опфатат почетно запознавање со основните елементи во процесот на одгледување на пчелите, запознавање со неопходната опрема за пчеларство и неопходните постапки за одгледување на пчели. Обуките ќе се реализираат во времетраење од 70 часови, во месеците јули и август 2016 година и ќе се спроведуваат преку теоретска и практична настава спроведена од проф. д-р. Хрисула Кипријановска

  Врз основа на Одлука на градоначалникот на општина Неготино  бр.05-219/2 од 16.06.2016 за утврдување на потреба од НАБАВКА( SUPPLY) - мебел и дигитална опрема за тренинг центар-училница , а во врска со проектот,,Поддршка и развој на економија на пчелни производи во прекуграничнатa област-BEE-CONOMY,, со бр. на Договор за грант: IPA2010/DN23657/CN358809 од општина Неготино објавуваме ПОКАНА ЗА ПОНУДА за НАБАВКА на  ,,Мебел и дигитална опрема за тренинг центар-училиница за проектот,,BEE CONOMY” со детална спецификација во тендерскaта документација.
Тендерската документација подготвена согласно процедурите на ЕУ( PRAG) е достапна во проектната канцеларија во општина Неготино –Канцеларија за локален економски развој на 3 спрат во општина Неготино од 8:00-16:00 часот, почнувајќи од 01.07.2016 година.Доколку сте заинтересирани истaта може да Ви биде пратена електронски или по пошта  поставена на ЦД.

Вашата понуда треба да ја добиеме најкасно до 11.07.2016 понеделник  до 12.00 часот.Отварањето на понудите ќе биде јавно во 14.00 часот истиот ден.