Во рамките на спроведувањето на програмата за работа на градоначалникот на општина Неготино Ванчо Апостолов во делот на унапредувањето на состојбите во делот на спортот и младите, како и неговите заложби за организирање училишни лиги во различни спортови ( фудбал, кошарка, ракомет, одбојка и други ) во средното општинско училиште Св. Кирил и Методиј започна одржувањето на училишната лига во мал фудбал. На турнирот учествуваат вкупно 18 екипи распоредени согласно сменската настава во училиштето, а победниците од двете смени ќе се сретнат во големото финале и ќе се натпреваруваат во борбата за првото место. Според зборовите на секретарот на општина Неготино Сашко Јанев локалната самоуправа оваа година за учениците од првопласираната екипа има обезбедено пригодни награди, додека за потребите на турнирот доделена е спортска опрема.